خلیل و جبرائیل

حضرت ابراہیم خلیل علیہ السلام کو نمرود نے جب آگ میں پھینکنا چاہا تو جبرائیل حاضر ہوئے اور عرض کیا: حضور! اللہ سے کہیے آپ کو اس آتش کدہ سے بچا لے آپ نے فرمایا: اپنے جسم کے لیے اتنی بلند و بالا پاک ہستی سے یہ معمولی سا سوال کروں جبرائیل نے عرض کیا: تو اپنے دل کے بچانے کے لیے اس سے کہیے فرمایا: یہ دل اسی کے لیے ہے اور اپنی چیز سے جو چاہے سلوک کرے جبرائیل نے عرض کیا: حضور اتنی بڑی تیز آگ سے آ؟

فرمایا – اے جبرائیل! یہ آگ کس نے جلائی؟

جبرائیل  نے جواب دیا نمرود نے۔

فرمایا –  اور نمرود کے دل میں یہ بات کس نے ڈالی؟

جبرائیل نے جواب دیا رب جلیل نے۔

خلیل نے فرمایا  – تو پھر ادھر حکم جلیل ہے تو ادھر رضائے خلیل ہے۔

(نزہۃ المجالس)

سبق

اللہ والے ہمیشہ اللہ کی رضا میں راضی رہتے ہیں۔