گم شدہ اونٹنی
جنگ تبوک میں حضور سرکار دو عالم صلی اللہ علیہ وسلم کی اونٹنی گم ہو گئی تو ایک منافق نے مسلمان سے کہا: کہ تمہارے محمد (صلی اللہ علیہ وسلم) تو نبی ہونے کا مدعی ہیں اور تمہیں آسمان کی باتیں سناتے ہیں پھر اسے اپنی اونٹنی کا پتہ کیوں نہیں چلتا کہ وہ کہاں ہے؟
حضور نے جب منافق کی یہ بات سنی تو فرمایا :بے شک میں نبی ہوں اور میرا علم اللہ ہی کی عطا فرمودہ ہے لو سنو! میری اونٹنی فلاں جگہ کھڑی ہے ایک درخت نے اس کی نکیل کو روک رکھا ہے جاؤ وہاں سے اس اونٹنی کو لے آؤ۔
چنانچہ صحابہ کرام گئے تو واقعی اونٹنی اسی جگہ کھڑی تھی اور اس کی نکیل ایک درخت سے اٹکی ہوئی تھی۔
(حجۃ اللہ علی العالمین)
سبق
ہمارے حضور کو اللہ نے اس قدر علم غیب عطا فرمایا ہے کہ کوئی بات آپ سے چھپی ہوئی نہیں مگر منافق اس علم غیب کے مترادف نہیں۔
