غوث پاک کے کنویں کا پانی ہر مرض کی دوا

حضرت محبوب سبحانی قطب یزدانی غوث اعظم سمدانی شیخ عبدالقادر جیلانی رحمۃ  اللہ تعالی علیہ کے زمانے میں بغداد شریف میں مرض طاعون کا دور دورہ ہو گیا اس مرض میں ہزاروں آدمی روزانہ جان تلف ہونے لگے۔ لوگوں نے آپ کی خدمت میں اس مصیبت سے نجات حاصل کرنے کے لیے عرض کیا آپ نے فرمایا ہمارے مدرسے کہ ارد گرد جو گھاس ہے اس کو کھاؤ اور ہمارے مدرسے کے کنویں سے پانی پیو جو ایسا کرے گا وہ ہر طرح سے شفایاب ہو جائے گا بس لوگوں نے ایسا ہی کیا تو ان کو شفائے کاملہ حاصل ہوئی اور پھر اس کے بعد بغداد شریف میں اس مرض کا کبھی عارضہ نہیں ہوا۔